Улсын хэмжээгээр 2026 оны 09 дүгээр сарын 21-27-ны хооронд нийслэлийн 7 дүүрэг, 16 аймгийн 35 суманд аюулт үзэгдэл, ослын шинжтэй нийт 74 дуудлага ирснийг Онцгой байдлын ерөнхий газраас мэдээллээ.
Ирсэн дуудлагад ажилласан төв болон орон нутаг дахь Онцгой байдлын байгууллагын алба хаагчид 5 иргэний амь насыг аюулаас аварч, утаанд бүрхэгдсэн орчноос 27 хүнийг гарган, шаардлагатай тусламжийг үзүүлжээ.
Бүртгэгдсэн 74 дуудлагын дийлэнх буюу 62 нь янз бүрийн обьектод гарсан гал түймэртэй, 8 нь хүний буруутай үйл ажиллагаанаас шалтгаалсан осолтой, харин 4 дуудлага биологийн гаралтай аюулт үзэгдэлтэй холбоотой байв.
Эх сурвалж: Онцгой байдлын ерөнхий газар, https://nema.gov.mn/post/180246
