Монгол Улсын Улсын онцгой комиссын хоёрдугаар хуралдаан боллоо. Энэ удаагийн хуралдаанаар 2026-2027 оны өвөлжилтийн бэлтгэл ажил, эрчим хүч, хөдөө аж ахуй, орон нутгийн үйлчилгээний салбарын гамшгаас хамгаалах бэлэн байдлын асуудлыг хэлэлцжээ.
Ерөнхий сайдын гаргасан 10 тэргүүлэх чиглэлийн ажлын хэрэгжилтийн талаар Ерөнхий сайдын орлогч Н.Номтойбаяр 21 аймгийн байдлаар тайлагнав. Түүний мэдээлснээр орон нутагт тодорхойлогдсон 205 асуудлын шийдвэрлэлт одоогийн байдлаар ойролцоогоор 60 хувьтай байгаа аж.
Хуралдаанаар малын тооллогыг орчин үеийн технологи ашиглан улс даяар явуулж, хөдөө аж ахуйн салбарын найдвартай эдийн засгийн мэдээлэл гаргах, нэгдсэн мэдээллийн систем бүрдүүлэх шаардлагатайг онцолсон байна.
Цаг уурын урьдчилсан мэдээгээр ирэх өвлийн ихэнх сар дунджаас арай дулаан байх төлөвтэй ч, хур тунадас олон жилийн дундажаас илүү орох төлөвтэй байна.
Мал бруцеллёзын халдвараас болж хохирсон тухай мэдээлэл ч хуралдаанд гарсан: Баян-Өлгий аймагт 2,764 толгой мал (4.7 тэрбум төгрөгийн нөхөн олговор), Ховд аймагт 1,391 толгой мал (1.9 тэрбум төгрөгийн нөхөн олговор) хохирч, нийт ойролцоогоор 6 тэрбум төгрөгийн нөхөн олговор олгогдсон байна.
Ерөнхий сайдын орлогч Н.Номтойбаяр малчдад дэмжлэг үзүүлэх нэгдсэн мэдээллийн систем боловсруулах, нэгдсэн тооллогын мэдээллийн сан бий болгох, орон нутгийн дулааны станцуудын асуудлыг шийдвэрлэх, өвлийн цаг агаарын аюулаас хамгаалах бэлэн байдлыг сайжруулах чиглэлээр тодорхой үүрэг чиглэл өгсөн байна.
Эх сурвалж: Онцгой байдлын ерөнхий газар, nema.gov.mn
